Monday, May 22, 2017
HomeДЕНЕШНАПолитикаДемократски сојуз: Да нема задолжување без согласност од парламентот

Демократски сојуз: Да нема задолжување без согласност од парламентот

trajanov

„По задолжувањето на државата за 650 милиони евра, пари кои првенствено ќе бидат наменети за клиентелизам (купување на гласови), Демократскиот сојуз во соработка и консултација со финансиски експерти, ќе предложи законски решенија со кои ќе се оневозможи Владата да ги задолжува граѓаните без согласност од парламентот.

Последниот долг со издавање на еврообврзница е направен без претходна анализа и консултација на експерти, како и без елементарно информирање на парламентот и пошироката јавност.

Владата и натаму должи објаснување за висината на долгот што го направи, високата камата, потоа за што ќе ги потроши парите и како ќе се враќаат.

Инаку ова расипничко и арогантно однесување само ја потврдува определбата на граѓаните за потребата од брзи избори, промена и одговорност“, вели Демократски сојуз во денешното соопштение до јавноста.