Бомбашот од Њујорк оставил манифест на интернет
Американското Федералното биро за истраги ја проверува автентичноста на пораката којашто во неделата вечерта се појави на интернет со која неидентификувано лице ја презема одговорноста за поставената бомба на Менхетен која повреди 29 лица.
Анонимната порака, за којашто станува збор, е насловена како „манифест“. Во неа непознатиот тврди дека токму тој ја организирал експлозијата во центарот на Њујорк, во кварт познат по посетените ресторани, барови и продавници, во период кога е многу посетен.
„Веројатно сите ги гледавте вестите за експлозиите во Њујорк. Тоа бев јас. Тоа беа само неколку тестирања. Знам каде ги направив грешките, и следниот пат нема да ги сторам“, порачува непознатиот автор на „манифестот“.
Наведува, исто така, дека ја подметнал експлозијата бидејќи „не ги поднесува“ луѓето и поради начинот на кој јавноста се однесува кон припадниците на нетрадиционалните сексуални ориентации, на една од кои ѝ припаѓа, според неговото тврдење, и самиот тој.
Извор: makfax.com.mk