Акција за разбивање дилерска мрежа, полицијата „тресе“ осум македонски градови
Голема полициска акција за разбивање на нарко дилери полицијата реализира во повеќе градови низ државата и со наредба на суд, се вршат претреси на 20 локации. Според првичните информации, запленети се скапи автомобили и мотори, дрога и пари, кои дилерите ги добиле со препродажба на наркотици. Претреси се вршат во Скопје, Велес, Свети Николе, Кочани, Гевгелија, Струга, Кавадарци, и Штип. Полицијата ја потврди информацијата и најави нови детали за акцијата за во текот на денот.