Ако не го добие здравство, Села ја напушта Владата

Претседателот на Алијансата за Албанците, Зијадин Села по средбата со премиерот Зоран Заев кажа дека не сака да се откаже од Министерството за здравство.

Остануваме на ставот дека нема да прифатиме позиции кои се токмат преку ноќ и со кои се омаловажува Алијансата за Албанците. Јас предложив друга позиција да смисли премиерот-заменик премиер за носење бурек која ќе му ја дадам на ДУИ. Ние го држиме министерството за здравство, договорот е направен за ресори кога се направи владата. Ако на некој му пречи успехот треба да излезе и да каже дека е проблем да имаме успешни министри.

Ако треба да има договор треба да се однесува на целата владина коалиција. Заев ќе ви го соопшти неговиот став, рече Села на прашањето што му рекол премиерот.

– Ние остануваме во владата до процесите на реформи кои ги поддржуваме. Ние сакаме остатоци од режимот кои се во оваа влада да сносат одговорност. Правдата е целосна ако се однесува на сите, без разлика дали се сегашни или бивши функционери.

Ако Заев испрати предлог за министер за здравство, односно ако настапи со нивниот предлог Села рече дека Алијансата на Албанците ќе заземе став дали ќе излезе од владата.

-Се надеваме дека предлогот ќе биде од Алијансата за Албанците зошто премиерот ќе се покаже сериозен и дека не потклекнува на притисоци и политички игри, рече Села.