Адел објави нов спот
Музичката ѕвезда Адел својот нов спот за песната „Send My Love (To Your New Lover)“, премиерно го прикажа на свечената ноќ на доделувањето на музички награди, а режисер на ова видео е Патрик Даутерс. Во спотот, Адел се бори со голема црна ѕвезда, а може да се примети и нејзиниот раскошен фустан. Адел својот трет студиски алум „25“ го издаде во ноември, а беше прва на листата на „Билборд“ дури 10 недели по ред.
Неодамна настапуваше на распродадената европска турнеја по повод промоција на својот нов албум, а објавено е и дека ќе настапува на фестивалот „Гластонбери“ на 22 јуни. Нејзината северноамериканска турнеја би требало да започне на 5 јули, а да заврши на 15 ноември.