Ливерпул го потврди првиот трансфер!

Младиот напаѓач на Челзи и на младинскиот тим на Англија, Доминик Соланке преминува во редовите на Ливерпул по истекот на важечкиот договор со лондонски Челзи, потврдија денес во клубот од Енфилд.

Трансфер на овој талентиран напаѓач ќе го чини Ливерпул околу 3 милиони фунти, бидејќи потекнува и ги поминал сите млади категории во Челзи и тоа е минимумот што треба да го исплати Ливерпул за таков играч.

На официјалниот сајт на клубот стои следнава изјава: “Деветнаесет годишниот напаѓач ќе заврши неговиот трансфер во Ливерпул, 1 ЈУЛИ, 2017 година по истекот на договорот со сегашниот клуб, Челзи”.

Тој играше за репрезентациите на Англија од 16 години па се до младата категорија до 21. Моментално е во составот на селекцијата до 20 години кој се натпреварува на Светското првенство за играчи до 20 години во Јужна Кореја.