Велс ја спакува Русија, „Гордиот албион“ немоќен против цврстата одбрана на Словачка
Велс извојува висока победа од 3-0 против Русија, а Англија и Словачка одиграа натпревар без голови во рамките на третото последно коло од групата Б.
Дебитантскиот тим важи за едно од најпријатните изненадувања на ова првенство, а тоа го потврди и вчеравечер преку погодоците на Ремзи во 11-та, Тејлор во 20-та и Бејл во 67-та минута. Англичаните, пак, немоќно се обидуваа да го пробијат одбранбениот „бункер“ на селекцијата на Словачка. Од вкупно 30 шутеви кон голот на Козачик, ниту еден не успеа да ја затресе мрежата.
Со освоени 6 бодови, Велшаните ја заземаа првата позиција, зад нив се наоѓа Англија со 5 и Словачка 4 бодови. Русите освоија само еден бод кој го добија во ремито со Англија и за нив ова првенство е завршено.