Николиќ го моли Путин да стави вето на резолуцијата за Сребреница
Европскиот парламент ќе ја одбележи дваесетгодишнината од ужасот во Сребреница, но нема да донесе резолуција. Наместо резолуцијата која беше предложена од хрватскиот пратеник Иван Јаковчиќ, Парламентот на 8-ми јули ќе прочита соопштение со кое ќе се одаде почит на жртвите во Сребреница.
Претседателот на Србија, Томислав Николиќ, испратил писмо до сите шефови на држави, членки на ООН, а во писмото упатено до Путин има молба – Русија да стави вето на резолуцијата за Сребреница. Во четвртокот се појави четвртиот предлог за резолуцијата, кој според српските власти е малку приближен до рускиот нацрт, но и тој е неприфатлив бидејќи се работи само за козметички промени.