Руското ембарго шанса за македонските земјоделци

Откако Руската Федерација го продолжи ембаргото кон западните земји од ЕУ, САД, Канада, Норвешка и Австралија се отвора можност за пласман на македонското земјоделско производство. Во иста позиција македонските земјоделци беа и лани, но имаше одредени проблеми со сомнежи за реизвоз на производи што е забрането.

Министерот за земјоделие Љупчо Цветановски за време на посетата на штипскиот регион истакна дека ќе се склучат повеќе договори за извоз на домати со Русија со што треба да се реши моменталниот проблем на македонските земјоделци кои задоцнија со производството поради лошите временски услови.

Од економските комори потенцираат дека Русија и покрај ембаргото не е лесно да се освои, но има начини за соработка со помалите руски региони и достава на квалитетни производи.