Во сообраќајка во Радишани загина едно лице
Утринава на главната улица во населбата Радишани загина едно лице откако дошло до судир меѓу две патнички возила, „југо“ и „мазда“ со скопски регистарски таблички. Несреќата се случила во 9.40 часот на крстосницата од улиците „Радишанска“ и „Боро Краљевски“, а тешко биле повредени возачот и неговиот сопатник во југото по што итно биле пренесени во градската болница „Свети Наум Охридски“. Возачот претрпел најголеми повреди и починал во болница, пренесува Макфакс.