Владата размислува за итен увоз на заштитни маски

Владата донесе интервентни мерки против загадувањето на воздухот кои почнуваат да важат од денеска, доколку концентрацијата на штетните ПМ10 честички е над прагот од 200 милиграми на метар кубен во текот на два последователни наместо досегашните пет дена и доколку праговите се измерени на најмалку 2 мерни станици во Скопје.

– Доколку ПМ10 штетните честички се над овој праг два едноподруго дена, ќе биде воведен бесплатен градски превоз, а работодавачите ќе имаат обврска да ги ослободат бремените жени, лицата постари од 60 години и лицата со прележан инфаркт или мозочен удар, соопшти портпаролот Миле Бошњаковски, кој и покрај опасно високиот степен за загаденост одлучи новинарските екипи да ги пречека пред Владата на отворено.

Тој најави дека ќе бидат засилени инспекциските контроли на градилиштата, а владата ќе ги задолжи и сите јавни претпријатија, институции и агенции да ја ограничат употребата на службените возила.
Бошњаковски рече дека на следната седница Владата ќе ја разгледа можноста за интервентна набавка маски за заштита на маски за заштита од загадување, но притоа не спомена дали истите, согласно ќе бидат субвенционирани за да бидат достапни и за економски најзагрозените категории на граѓани. Освен увоз на маски, владата ќе ја разгледа и можноста за интервентен увоз на прочистувачи на воздух за школите и градинките.