Вест Хем го посакува Карлос Бака
Англискиот клуб Вест Хем понудил 20 милиони евра за трансфер на напаѓачот на Милан Карлос Бака, пренесуваат денес италијанските медиуми. Бака изразил желба за заминување од клубот, бидејќи бил незадоволен од резултатите и од играчкиот кадар, додека Вест Хем е подготвен да му ја плаќа сегашната плата од четири милиони евра по сезона.
Претседателот на лондонскиот клуб Давид Саливен изјави дека има желба да доведе врвен напаѓач во клубот, за кој е спремен да издвои сума од 25 милиони евра. Колумбискиот напаѓач минатото лето пристигна во Милан од редовите на Севиља за 30 милиони евра и постигна 20 погодоци на 42 натпревари.