Туристичко бродче на соларна енергија заплови по Преспанско Езеро

Општина Пустец денес презентираше соларно бродче кое заплови во водите на Преспанско Езеро. Истото ќе има функциоја да ги промовира туристичките вредности на општината.

Станува збор за проектот „Green Boat“ (Зелен брод) финансиран од ИПА програмата на Европската унија за прекугранична соработка. Ова бродче општина Пустец го доби во рамки на заедничкиот проект со општина Преспа, Грција. На инагурацијата присуствуваа градоначалникот Едмонд Темелко, префектот на Корча, Ардит Кономи и жители на општината.