„Тигарот“ си пронајде нов клуб во Премиер лигата?
Фудбалерот на Монако Радамел Фалкао, кој веќе две сезони ги помина во Премиер лигата како позајмен фудбалер на Манчестер Јунајтед и Челси, е голема желба на новиот премиерлигаш Мидлзбро, пренесуваат англиските медиуми. Фалкао ниту во Монако ниту во Челси и Јунајтед не успеа да се снајде најдобро и да ги повтори одличните партии кои ги пружаше во дресот на Атлетико Мадрид.
Токму тука Мидлзбро ја гледа својата шанса, и како што пренесуваат медиумите во Англија, првиот човек на клубот Стив Гибсон веќе стапил во контакт со агентот Жорже Мендеш, кој го застапува Колумбиецот и му ја претставил својата понуда. Фалкао во текот на својата кариера настапуваше и за Ривер Плата и Порто, додека потполна афирмација доживеа во Атлетико Мадрид за кој запиша 91 настап и постигна 70 погодоци и освоени титули во Лига Европа, УЕФА Суперкупот и шпанскиот Куп на Кралевите.