Судскиот совет ќе избира претседател на кривичниот суд

Судскиот совет на денешната седница треба да избере претседател на Основен суд Скопје 1, на што ќе претходи усвојување на конечната ранг листа за оваа функција.

Членовите на Судскиот совет претходно 0ќе ја разгледаат оставката в.д. претседателот на скопскиот Кривичен суд Стојанче Рибарев, кој по шест месеци раководење со судот си поднесе оставка од лични причини на 25 октомври.

Кандидати за претседател на кривичниот суд се и екс-претседателот Владимир Панчевски, како и судиите Весна Димишкова, Оља Ристова, Ивица Стефановски, Ѓоко Ристов, Иван Џолев и Осман Шабани.

На дневен ред на седницата е разгледувањето и оценувањето на извештаите за работата на судовите за третото тромесечие за 2017 година.