Советот на ЕУ сериозно загрижен за политичката криза во Македонија

Советот на Европската Унија во декемвриската анализа за Македонија укажа сериозна загриженост за политичката криза која се уште е далеку од решавања и ја потврди почетната позиција дека дадената препорака за продолжување на предпристапните преговори е условена од донесувањето на итните реформски мерки.Во анализата стои дека постои голема загриженост за недостигот на политичката култура, големата партиска поделеност, недостигот на владеењето на правото, кршење на човековите права, немање на медиумска слобода, зависно судство, корупција и партизација на државните институции.Клучно за напредокот на Македонија ќе биде спроведувањето на предвремените парламентарни избори во април 2016-та но, владејачката партија направи еден куп потези со кои ги пролонгираше сите рокови за постигнување на договор во сите претходно утврдени сфери, а уште нема решение за медиумската сфера, особено што новинарските здруженија и синдикатот беа исклучени од првичните преговори.

Советот на ЕУ очекува независна и непречена истрага за скандалот со незаконското прислушкување, потоа за вооружената битка во кумановската „Дива населба“, како и за одржување на добрососедски односи. Нотирано е дека има напредок во разговорите со Бугарија, додека пак за проблемот со името потребно е заедничко прифатливо решение со Грција.