СЈО ќе бара на јавна седница да се разгледува жалбата за притворот на Грујевски

СЈО од Апелација ќе бара јавна седница за разгледување на жалбата за притворот на екс-началникот на петтата управа, Горан Грујевски.

Грујевски е обвинет во предметите „Тврдина“, „Таргет“ и „Тврдина 2“, за кои веќе е започнат процес во Кривичен суд.

Кога ги поднесоа обвиненијата, СЈО повторно побараа притвор за него, но Кривичен суд само го одзеде неговиот пасош.

Жалбите за неодредување притвор на обвинетите во предметите на Специјалното јавно обвинителство уште се на разгледување во Кривичен суд. Исто така, во процедура на разгледување се и жалбите на бранителите на обвинетите, за одлуките за одземање на патните исправи.