Русија распореди напреден антиракетен систем во Крим

Русија распореди напреден систем за против воздушна одбрана С-400 во анектираниот Крим, соопштија воените власти – пренесува Радио Слободна Европа. Уште минатиот месец беше ветено дека системот ќе биде распореден на полуостровот.

Русија го анектираше Крим во март 2014 година, но меѓународната заедница не го одобри тој чекор. Распоредувањето на системот на полуостровот на Црното Море доаѓа во време на пораст на тензиите меѓу Русија и Украина, откако Москва обвини дека Киев сака да направи упад во Крим.