Русија ќе забрани службениците да користат странски мобилни апликации

Безбедносни или бизнис цели? Руското Министерство за економски развој предлага да се забрани државните службеници и вработените во армијата да користат за службени цели мобилни апликации на странски компании, објави Комерсант.
Предлогот веќе е испратен до претседателот на државата, наведува весникот.

„Се предлага за службена коресподенција да се користат руски месинџери“, потврди за весникот претставник од Министерството. Ограничувања може да ги погодат Gmail и популарните апликации WhatsApp, Viber, Skype и Telegram. Мерките би важеле и за компаниите каде државата има учество и за државните монополи.