Повеќе од 41.000 бегалци бараат азил во Грција

Најмалку 41.000 бегалци и мигранти, од кои поголемиуот дел Сиријци квалификувани за прераспределба во ЕУ, бараат азил во Грција. Министерот за миграции во таа земја Јаниз Музалас на конференцијата за новинари изјавил дека службите на Грција и Обединетите нации регистрирале 54.000 бегалци и мигранти на грчката територија од јуни до крајот на јули оваа година.

Повеќе од 41.000 од нив, кои пристигнале од копнениот дел на Грција, покажале интерес за добивање на азил или поднеле официјалнои барање, додека 20.000 лица прифатиле да се вратат во својата татковина.