Ниту Јанакиевски не даде отчет пред пратениците

Поранешниот министер за транспорт Миле Јанакиевски кој е еден од најчесто присутните лица во телефонските разговори кои ги објавуваше опозицијата не дојде да сведочи пред анкетната комисија за скандалот со прислушкувањето. Јанакиевски повеќе не е владин функционер и не ја известил воопшто комисијата дали ќе доаѓа или не, па пратениците не можат ниту да му „наредат“ да се појави.

Денешната седница пројде во вреѓање меѓу пратениците на власта и опозицијата. Следен кој треба да сведочи е Зоран Ставревски на 17-ти декември, но најверојатно и тој како и неговиот кумашин Груевски ќе побара отстранување на медиумите и јавноста од седницата.