МВР апси борци на ИД од Македонија

Утринава се започнати спроведувања на акции за апсење лица  за кои постојат сомнежи дека учествувале во борбите во Сирија на страна на милитантната исламистичка организација Исламска држава (ИД). Акцијата ја спроведуваат екипи на Министерството за внатрешни работи.

Според информациите, специјалните полициски сили извршиле претреси во неколку градови во Македонија: Скопје, Струга, Куманово, Тетово и Гостивар. Според првичните информации, покрај учесници во паравоените формации на ИД, приведени се и лица за кои постојат сомнежи дека врбувале македонски државјани за да учествуваат во борбите во Сирија.

Од МВР велат дека за време на акцијата не се регистрирани инциденти.