Марин: Нема да дозволи на штета на граѓаните некој да се богати

Ќе има преиспитување и одговорност за спорниот ДУП И10 во Општина Аеродром којшто беше изгласан тајно и без дебата, и со којшто за криминални бизнис интереси, Ивица Коневски и ВМРО-ДПМНЕ го уништуваат воздухот и здравјето на граѓаните, рече Златко Марин на денешната прес конференција.

Ова е доказот дека Орце Камчев стои зад Масив Констракшн, фирмата која ќе гради објекти кај Мајчин Дом. Како што може да се види во овие документи, Масив Констракш е во сопственост на Европа Комерц ДООЕЛ Кочани и Архи ДОО која пак е во сопственост на Ексико и Орка Холдинг АД Скопје. Ексико, пак, е фирмата чиј управител е Тодор Мирчевски, човек кој управува со сите фирми на Камчев. Фирми кои преку Ексико изнесуваат милиони евра од македонскиот буџет преку тендери и субвенции во приватни оф-шор сметки, вели Марин.