Македонка се удави на Крф, се води процедура за враќање на телото
Македонска туристка на 73 годишна возраст се удавила во морето на грчкиот остров Крв, а по интервенцијата само била констатирана смрт. Телото било пренесено во локалната болница, а сега се води процедура за нејзино враќање во државата.
Информацијата за МИА ја потврди Канцеларијата за врски на Република Македонија во Грција и информира дека во тек е процедура за пренесување на телото на починатата во Македонија. Трагедијата се случила кај гратчето Мораитика на југоисточниот дел на грчкиот остров Крф.