Македонија конечно доби национално здружение на сомелиери
Македонија конечно доби национално здружение на сомелиери. Винската земја ќе има една ваква организација која ќе работи по програма на една од најважните и најголемите сомелиерски асоцијации во светот, италијанската AIS ( Associazione Italiana Sommelier).
Едукација на угостителско – туристичкиот персонал за виното и неговата магија е една од суштинските цели на Здружението на сомелиери на Македонија. Ова ќе придонесе за попрофесионално и попрофитно работење.
Здружението претставува еден вид на мост помеѓу винариите и крајните конзументи во угостителско. Програмата треба да резултира во подигање на квалитетот на услугата во угостителството како и развој на винската култура преку квалитетен вински сервис, правилен избор на фини вина и комбинирање со храна. Оваа взаеман корист беше алка која долго време недостасуваше во македонското угостителство.
Наредната недела за прват во Македонија ќе се одржи обука за сомелиери ниво 1 од страна на потпретседателот на AIS Роберто Белини кој важи за еден од највлијателните сомелиери во Италија. Обуката ќе се одржи во конференциската сала на ресторанот „Воденица“ во Скопје и ќе трае 5 дена по 7 часа дневно.