Легијата на странци привлекува илјадници со темно минато

Темната мистерија привлекува илјадници регрути во Легијата на странците на Франција секоја година. Без оглед дали се легално или нелагално пристигнати во Франција секој може да аплицира за обука надевајќи се дека ќе стане дел од елитната војска кој два века учествува во борби ширум светот.

За легијата често се поврзани многу митови дека е полна со убијци и силувачи од целиот свет кои бегаат од лицето на правдата и се регрутирани со лажен идентитет и чистење на нивното темно минато. Денес елитната војска има многу повисоки стандарди и учествува во активностите на Интерпол за пријавување на осомничени криминалци за тешки кривични дела, по што следат и апсење. Во единицата на легионери може да поминат личности со проблематично минато но, се врши детална истрага и се прават безбедносни провери.

За да се задржи високо ниво на борбеност само еден од осум кандидати ја поминува обуката и станува дел од елитата. Тренинзите се напорни, исцрпувачки и го вадат најдоброто од канидатите кои потоа се обврзуваат на повеќегодишен договор за служба на интересите на Париз. По пет години војниците имаат право на француско државјанство или порано доколку бидат ранети во битка.