Ким Џонг Ун се пофали со нов систем за противракетна одбрана

Централната телевизија на Северна Кореја објави снимки од спроведено испитување на нов систем за противвоздушна одбрана. На снимката од неколку агли е прикажано истрелување на ракета од мобилни лансери. Делови од материјалот се снимени од набљудувачки пункт, каде присуствувал и севернокорејскиот лидер Ким Џонг Ун.

Освен кадрите со демонстрацијата на системот, севернокорејската телевизија емитуваше и критики кон планот на САД да одржат вежба во регионот на Корејскиот Полуостров со учество на два носачи на авиони – „Роналд Реган“ и „Карл Винсон“.