Хаос и стампедо во Тајван – Се појавил редок Покемон

Pokemon GO играта е феномен во секоја смисла на зборот кој е тешко да се објасни, но очигледно станува збор за феномен кој што трае. Во главниот град на Тајван, големо „Покемон стампедо“ буквално го сопре градскиот живот, сообраќајот и се останато – огромен број на луѓе како хипнотизирани започнале да трчаат низ улиците бркајќи редок Покемон кој што сосема неочекувано се појавил.

Локалните медиуми пренесуваат дека стотици луѓе секојдневно се опседнати со Pokemon GO, но никој не видел толку голема маса на луѓе низ градот. Според тамошните медиуми, во трката за реткиот Покемон учествувале локалните жители, но и бројните туристи, како и неколку полицајци.