Гимназијалци од Куманово ги освоија првите три места на државен натпревар по руски јазик

Учениците од Гимназијата „Гоце Делчев“ во Куманово заминаа дома со првите три места од државниот натпревар по руски јазик кој секоја година се одржува во организација на Амбасадата на Руската Федерација во Република Македонија.Под менторска палка на професорката Биљана Коцевска, првото место замина во рацете на Мартина Радевска, со второ место се закити Дамјан Ристевски, а високото трето место го освои Симона Коцевска.

Учениците своето знаење го покажаа пред комисија од Руска амбасада и Филолошкиот факултет во состав: Алексеев Александр Евгењевич – прв секретар по култура, образование, наука и спорт; Лушин Михаил Михајлович – Аташе по образование и лекторите Пљасунова Надежда Јуриевна од МГУ Москва и Екатерина Терзијоска од Универзитетот „Св. Кирил и Методиј“.