Германија ќе ги затегне уздите на ЕУ по Брегзитот

Министерството за надворешни работи на Германија денеска соопшти дека утре Берлин ќе биде домаќин на состанок на шефовите на дипломатии на земјите основачи на ЕУ. Германија беше една од најгласните противнички за излез на Британија од европското политичко и економско семејство и сега мора да покаже лидерство и да спречи евентуално ширење на кризата.

Веќе се бележат големи загуби на британските, а наскоро и на европските берзи и постои голема закана за економијата, но во воздух сега лебдат и многу прашања за регулирање на границите и безбедноста, како и интегративните процеси.