Фото: Барикади на велосипедската патека на кеј

Велосипедската патека на кеј под барикади. Плехови, даски и песок – известува порталот Засе.мк. На една од барикадите со стрелки е означено дека велосипедистите мора да се движат по шеталиштето.
На сликите може да се забележи дека велосипедистите поминуваат каде ќе најдат место, помеѓу барикадите или на земјениот пат покрај реката. Изгледа дека велосипедистите во главниот град научија нова дисциплина – возење со пречки.
Што се случува со скопскиот кеј и до кога движењето на велосипедистите ќе биде отежнато, се уште не се знае, но во наредните денови ќе се обидеме да добиеме одговор од надлежните.