Европски ден на Еврејската култура и во Македонија
По 11 пат Еврејската заедница во Република Македонија ќе ги одбележи деновите на Еврејска култура. Вечерва во МНТ ќе се одигра претставата „Еврејски јазици: колку јазици знаеш, за толку луѓе вредиш“, базирана на романот „Роман во слики“ од Гордана Куиќ, а во режија на Снежана Коневска Руси.
– Преку глума, музика и танц, на сцената ќе прикажеме магичен спој на јазици како џудеоеспањол, јазикот на сефардските Евреи, хебрејски, ромски, српски и македонски, соопшти Еврејската заедница во Република Македoнија.
Европскиот ден на еврејската култура е манифестација која истовремено се одржува во 32 европски земји, а во Македонија се организира 11ти пат.