ДИК соопштува резултати од теренска проверка на избирачкиот список

Во однос на теренската проверка, од 87 352 лица кои се проверуваат, обработени се 77 128, а 10 224 се очекува да бидат внесени и обработени во текот на денешниот ден. Членот на ДИК од редовите на СДСМ, Игор Милев вели дека од овие бројки, 37 435 лица воопшто не биле најдени дома и дека тоа претставува индикатор дека работата не е целосно завршена.Со овој став не се согласува Силвана Бонева од ВМРО-ДПМНЕ која смета дека досега има обработено речиси половина од податоците и од теренската и од административната проверка, а податоците кои треба дополнително да се проверат, предложи тоа да го направи министерството за внатрешни работи и да му се даде рок од 3 дена за кој што ќе одговори.