ДИК ќе пресметува од проверките колку гласачи се нелегални

Државната изборна комисија ќе има тежок период да ги спроведе сите заклучоци кои произлегуваат од теренските и административните проверки на избирачите и базите на податоците, но роковите и понатаму тешко се исполнуваат, а датумот за избори се ближи се повеќе.

Државната изборна комисија во моментов е фокусирана на внес и обработка на податоците од анкетните прашалници во единствената електронска апликација. Се прават напори сите податоци да бидат на време внесени и соодветно обработени.

Последното соопштение на ДИК е дека сите добиени податоци од анкетите ќе се внесуваат во единствениот елетронски регистар и потоа ќе се изведат заклучоци, при што секако ќе има различни толкувања и натегања меѓу политичките партии.