Дете загина на највисоката водена лизгалка во светот

10 годишниот Кејлеб Томас Шваб почина од фатална повреда на вратот откако се спуштал на водената лизгалка висока 50 метри во водениот парк Шлитербан во Канзас Сити. Детето се спуштило по лизгалката со уште три жени, а откако било забележано неподвижното тело биле повикани спасувачи, но тие не можеле ништо да сторат.

Водениот парк е затворен и се води истрага дали вработените ги презеле сите мерки на претпазливост со оглед на тоа што во рафтот биле сместени дури четири лица што можеби допринело до фаталната несреќа. Кејлеб е инаку син на Скот Шваб, пратеник во законодавниот дом на Канзас.