Заопчна уште еден ,,Топол културен бран" во Ресен

Осмото издание на манифестацијата ,,Топол културен бран” која се одржува во Ресен и годинава носи низа културни настани.

Во Домот на културата вчера вечер беше отворена изложбата ,,Циклус житни полиња” на Владимир Темков.

Утре, во кино-салата во Ресен со стендап-комедија ќе  настапи актерот Сашко Коцев, а наредниот ден групата ДНК ќе одржи концерт на плажата „Галакси“ во Претор.

Манифестацијата годинава ќе понуди над 92 културни настани во 30 општини.

Културни настани во текот на летниот период се одвиваат и во рамките на второто издание на проектот „Културно лето, Културна зима 2015“ кој се реализира во туристички атрактивните и еколошки чисти општини Берово, Ресен, Дојран и Крушево.