УПОЗ ќе ги радикализира протестите ако надлежните не ја потпишат спогодбата

УПОЗ продолжува со штрајкот. Денеска судските административци изготвија спогодба за прекин на штрајкот која ќе ја достават до министерството за правда и судскиот буџетски совет. Очекуваат институциите во најбрз можен рок да ги повикаат на преговарачка маса. Во спогодбата се содржани нивните барања и начини на кои можат да се надминат проблемите за нивно решавање. Од УПОЗ велат дека ако надлежните ја игнорираат или не ја потпишат спогодбата, штрајкот ќе се радикализира, а можни се и блокади на најфрекфентните крстосници во градот.