Студентката живо го фрлила бебето во корпа на Табановце

Резултатите од обдукцијата на јавното обвинителство покажуваат дека студентката Т.И. живо го фрлила своето новороденче во корпа за отпадоци во тоалетот на граничниот премин Табановце при патување за студентска екскурзија. Бебето го покрила со хартија и се вратила во автобусот, а подоцна била прегледана во Прага на гинеколог поради влошување на состојбата.

Следниот ден бебето било пронајдено мртво од страна на вработени. Против Т.И. од Скопје ќе биде поднесена кривична пријава за убиство при породување. Девојката се бранела не знаела дека е бремена.