СЈО не одговара на барањата на Врховниот суд за да не влијае на изземањето на Вангеловски
Специјалното јавно обвинителство соопшти привремено не одговараат на барањата на Врховниот суд на Република Македонија за да не влијае на процесот на изземање на претседателот на судот, Јово Вангеловски.
„Согласно Законот за кривична постапка, во постапката за изземање на судија задолжително дејствие е прибавувањето на изјава од судијата. Со оглед на тоа што бараната информација може да се добие од самиот судија за кого е барано изземањето, ова Јавно обвинителство нема да обезбеди одговор со цел да не се влијае на исходот на постапката“, се наведува во реакција, која следи откако Вангеловски ги обвини дека не соработуваат со Врховниот суд.
Од СЈО појаснуваат дека сме свесни за итноста на постапките и истакнуваат дека со нивните дејствија не се одолговлекуваат постапките.
„Воедно апелираме за соодветна примена на начелото на итност и при постапување со барањата на ова Јавно обвинителство“, се вели во реакцијата на СЈО.