Се чека влез на Lycamobile за да се намалат цените на телефонијата
Британскиот виртуелен мобилен оператор Lycamobile во Македонија ќе функционира со префиксот 079 и се очекува да допринесе во спуштање на цените на мобилните и фиксните услуги.
Во изработка е и нивниот веб сајт со mk домен кој се уште не е активен, а telefoni.mk пренесува дел од новитетите, па цените се доста актрактивни со 1.9 денари минута, 2.9 денари СМС порака, а ќе може да се земе и бесплатна СИМ картичка.
Неодамна од АЕК соопштија дека актуелните цени на телефонските услуги во Македонија се зголемени за околу 15 % што е резултат на спојувањето на мобилните и дигиталните оператори Оне и Вип, но од државното регулаторно тело велат дека тоа нема долго да го дозволат.
Можеби токму влезот на трет мобилен оператор како Lycamobile ќе допринесе за враќање на компетитивноста, а со тоа и држење на цените на пониско ниво за бенефит на крајните корисници.
Извор: telefoni.mk