Радовишанец шверцувал мигранти од Пакистан кои илегално влегле во Македонија

Млад радовишанец прибрал седум илегалци од Пакистан во куќата на своите родители во Велес, известува полицијата од СВР Велес. Имено, Р.С. (18) од нив земал пари со ветување дека ќе им најде такси-превоз до границата со Србија.

Сите бегалци влегле илегално во Македонија пред четири дена во близина на граничниот премин Богородица и се движеле пеш во правец кон Србија. Откриените мигранти се сместени во Прифатниот центар за странци, а младото момче е приведено и против него ќе биде поднесена кривична пријаваи по основа на сомнение за сторено кривично дело „шверц на мигранти“.