Продадени 80 отсто од влезниците за фестивалот „Exit“

Директорот и основачот на фестивалот „Exit“ Душан Ковачевиќ изјави дека за овогодинешното издание на тој фестивал владее до сега незабележан интерес, за што сведочи и фактот дека до денес, еден месец пред почеток на фестивалот, е продадени повеќе од 80 отсто од влезниците што до сега не било случај.

Ковачевиќ изјавил дека вчера завршила популарната акција „4+1“, во која на четири купени влезници петата се добива бесплатно, како и тоа дека постои голема веројатност сите карти да бидат распродадени уште пред почетокот на големиот фестивал што не е забележано во историјата на овој настан.