Пожарникар загина гаснејќи го запалениот авион во Дубаи

Еден пожарникар загина при гасење на запалениот авион на аеродромот во Дубаи. Авион на авиокомпанијата „Емирејтс ерлајнс“ имал проблеми при слетувањето на меѓународниот аеродром во Дубаи. Авионот испуштал црн чад што предизвикало запирање на сообраќајот на аеродромот. Од авиокомпанијата соопштија дека нема жртви и дека сите патници и членови на екипажот се безбедни. Авионот летал од Индија кон Дубаи и превезувал 300 луѓе. Засега не е позната причината за несреќата.