Погледнете ги трејлерите за најдобрите филмови кои ги очекуваме!
„Комик Кон“, еден од најголемите фестивали на поп културата во Сан Диего, од година во година станува попопуларен настан, а „нерд“ културата се повеќе преминува во доменот на културата. Како и секогаш, така и оваа година публиката можеше да види многу трејлери кои ги најавуваат идните филмски хитови.
Еден од филмовите кои со големо нетрпение се очекува да излезе е секако филмот „Wonder Woman“, за кој неодамна излезе и официјалниот трејлер, а премиерата на филмот е планирана за 2 јуни 2017 година.
Ворнер броз вчера го претставил и трејлерот за римејк на Кинг Конг, во кој главните улоги ги толкуваат Том Хидлстон, Бри Ларсон и Џон Гудман. „Kong: Skull Island“ во светските кино-сали се очекува да започне да се прикажува од 10 март 2017 година.
„Suicide Squad“ ќе се појави во кино-салите на 5 август, кога ќе ја видиме Џерард Лето во улогата на Џокер, Маргот Роби како Харли Квин, Вил Смит како Дедшот, како и Бен Афлек, повторно во улогата на Бетмен.
После филмот „Batman vs Superman“ кој прими многу негативни критики и беше прогласен за најдобар најлош филм за 2016 година, беше претствен и трејлерот за новиот филм н Зак Снајдер- „Justice League“, кој публиката ќе може да го види во ноември 2017 година.
После тизерот кој беше објавен во април следува и прв полн трејлер за филмот на Марвел „Doctor Strange“. Во главната улога ќе го гледаме Бенедикт Кембербач, а филмот ќе започне да се прикажува од 4 ноември 2016 година.
Неодамна се појави и последниот трејлер за „The Lego Batman Movie“, во кој внимението овој пат беше свртено кон Робин. Филмот во кино-салите ширум САД ќе се појави на 10 февруари 2017 година.
Како што беше и ветено, компанијата Ворнер брос го објави првиот тизер трејлер за филмот „King Arthur: Legend of the Sword“, кој е под режија на Гај Ричи.
Премиерата на филмот е закажана за 24 март 2017 година.