Казнети дивите препродавачи на Зелен пазар
Со помош на полицијата инспекциските служби на општина Центар веќе втор ден ја спроведуваат акција за отстранување на диво поставените тезги и дивите тезги околу Зелениот пазар.
По опомената, дел од дивите препродавачи продолжиле со продажба на индустриски и земјоделски производи на недозволено место, на пристапните патеки и тротоарите околу пазарот. Одземена им е стоката и изречена е глоба во висина од 50 евра во денарска против вредност, според Законот за јавна чистота.
Акцијата се спроведува по барање од граѓаните и нивните поплаки дека не можат да се движат и да дојдат до своите влезови, опасност од ширење на заразни болести и продажба на производи во нехигиенски услови.
Акцијата продолжува и во наредните денови и е во координација со Агенција за храна и ветеринарство, Државен пазарен инспекторат, Инспекција на Град Скопје и службени лица од МВР.