Изгоре куќа во пожар во село Смилево
Вчера околу 13 часот избувна пожар во куќа во село Смилево, Демирхисарско. Во пожарот изгоре горниот кат и покривната конструкција од домот на Илија Стамболиевски.
Постоела опасност силниот ветер пламенот да го префрли и врз соседните куќи, но за среќа не дошло до проширување на огнената стихија.
Благодарение на помошта на селаните и ПППБ од Демир Хисар, која интервенирала со едно противпожарно возило, пожарот е изгаснат а причините за истиот и материјалната штета дополнително ќе се утврдуваат.
Денес ова семејство го посети градоначалникот на Општина Демир Хисар, Љупчо Блажевски, кој вети финансиска и материјална помош за настраданото семејство.