Дирекцијата за заштита и спасување ја повлекува механизацијата од кризните подрачја

Дирекцијата за заштита и спасување ја повлекува механизацијата од кризните подрачја. Директорот Шабан Салиу смета дека поголемиот дел од калта и покуќнината се исчистени иако се уште официјално тече кризниот период. Само дел од механизацијата ќе остане не терен вели тој.

Иако Салиу не сакаше да одговара на новинарските прашања, сепак се врати пред камерите, но не даде конкретен одговор за изјавата на претседателот Ѓорѓе Иванов дека тој и директорката на Центарот за управување со кризи Сузана Салиу дејствувале задоцнето. Во касарната „Гоце Делчев“ Салиу беше присутен да ја преземе донацијата од Холандија и Словачка.