Бегалецот од Диво насеље екстрадиран од Косово

Македонскиот државјанин Сулејман Османи познат и како командант Сула е екстрадиран од Косово по завршената процедура меѓу министерствата за правда. Османи е осомничен дека учествувал во дводневната битка во кумановско Диво насеље, а на полицијата успеа да и побегне откако бил изнесен на терен за да им посочи како делувала терористичката група. Тој ќе седне на обвинителната клупа заедно со уште пеесетина осомничени директни учесници во борбите и нивни јатаци.