Арета Френклин ги откажа своите концерти
Американската соул пејачка Арета Френклин откажа неколку предстоечки концерти бидејќи докторите и советуваа одмор. 74-Годишната музичарка наведе во соопштението дека „по совет од докторите“ била принудена да ги откаже концертите најавени за септември, но и настапот закажан за 26 август во близина на градот Виена, во Вирџинија.
Таа исто така соопшти дека од ноември повторно ќе продолжи со концертите. Арета Френклин во 2015 година откажа настап во Лас Вегас поради исцрпеност.