Апелација ќе одлучува за притворот на Талески

Апелациониот суд ќе одлучува за притворот на битолскиот градоначалник Владимир Талески откако го добиле предметот од страна на основниот кривичен суд. Тој ја обжали одлуката за домашен притвор и од Апелација соопштуваат дека откако ќе го разгледаат предметот ќе донесат одлука.

Инаку засега не е одбран заменик на градоначалникот бидејќи од советничката група на ВМРО-ДПМНЕ во Битола велат дека прво ќе почекаат да биде решено по жалбата. Како можни заменици на Талески се споменуваат Игор Хаџиевски, внук на лустраторот Томе Аџиев и советникот Благој Шаклевски.